Pazl yığmaq sadəcə boş vaxt əyləncəsi deyil, beynin sağlam qalmasına ciddi töhfə verən məşğuliyyət kimi qiymətləndirilir.
Bu barədə Baki-baku.az “360.ru“a istinadən xəbər verir.

Britaniyalı professor Roksi Karerin sözlərinə görə, bu fəaliyyət zamanı beynin görmə, yaddaş və assosiasiya ilə bağlı əsas zonaları eyni anda işə düşür. Bu isə qan dövranını yaxşılaşdırır, damarları qidalandırır və nəticədə koqnitiv qabiliyyətlərin uzun müddət qorunmasına yardım edir.

Mütəxəssis əlavə edib ki, xüsusilə yaşlı insanlar üçün pazl yığmağın sosial üstünlükləri də böyükdür. Birlikdə bu məşğuliyyətlə məşğul olmaq tənhalığı azaldır, ünsiyyəti artır və psixoloji rifahı möhkəmləndirir.

“Sadə görünən bu fəaliyyət həm beynin güclü qalmasına, həm də gündəlik həyata rəng qatmağa kömək edir”, – deyə Karer vurğulayıb.