Artıq bir neçə gündür paytaxta intensiv yağan qarın yenidən başlaması səbəbilə Bakı Şəhər İcra Hakimiyyətinin (BŞİH) və paytaxt rayonlarının kommunal strukturları gücləndirilmiş iş rejimində çalışırlar.
Baki-baku.az xəbər verir ki, xüsusi texnikalar gecə saatlarından başlayan qarın buzlaşmaya səbəb olması ehtimalını nəzərə alaraq əsas avtomobil yollarına və magistrallara duz səpirlər. Qarın ən çox düşdüyü ərazilər xüsusi diqqətdə saxlanılır.
Qeyd edək ki, bu işlərin daha rahat və operativ həyata keçirilməsi üçün paytaxtın müxtəlif ərazilərində texniki duz toplanan məntəqələr yaradılıb.
Ümumilikdə bu işlərə 100-ə yaxın xüsusi texnika və 2000-dən çox işçi qüvvəsi cəlb edilib.
14 Baxış sayı , 2 views today
