Bakı küçələrinin adlarını daşıyanlardan biri də Mirzə Mustafayevdir.

Bəs biz, Mirzə Mirzəbaxış oğlu Mustafayevin kim olduğunu bilirikmi?

Baki-baku.az xəbər verir ki, operator, rejissor və ssenarist Mirzə Mustafayev 1908-ci il iyunun 22-də Bakıda anadan olub.

Mirzə Mustafayev 1931-ci ildən kinoda fəaliyyət göstərib və 70-dən çox filmin hazırlanmasında iştirak edib. Kinoda operator (40-dan çox film), ikinci operator, operator assistenti, quraşdırılmış səhnələrin operatoru (20-yə yaxın film), rejissor (30-a yaxın film), ssenari müəllifi, aktyor və montajçı kimi çalışıb.

1941–1945 müharibəsinin ilk günlərindən başlayaraq kinematoqrafçılarımızın bir hissəsi arxa cəbhədə gecə-gündüz öz işini davam etdirirdisə, digər hissəsi ön cəbhədə çəkilişlər aparırdı. Onlardan biri də Mirzə Mustafayev idi. O, ön cəbhədə çəkilişlər aparıb, düşmənlə vuruşub, dəfələrlə ölümlə üz-üzə dayanıb. Bu cəbhəçi kinematoqrafçının silahı kinokamera idi.

Rejissor, təsvir rejissoru Mirzə Mustafayev 1979-cu il martin 15-də vəfat edib.