Ötən yazımızda “Bizim həyət” layihəsi çərçivəsində abadlaşdırılan məhəllələrin Bakının bir sıra ərazilərində acınacaqlı vəziyyətdə olması ilə bağlı xəbər vermişdik. Bu barədə dərc etdiyimiz məlumatdan dərhal sonra Nəsimi Rayon İcra Hakimiyyəti bu istiqamətdə fəaliyyətə keçib.
Baki-Baku.az xəbər verir ki, aparılan işlər nəticəsində Nəsimi rayonu, Hüseyn Seyidzadə 38 ünvanında salınan abad məhəllədə meydançanın örtüyü bərpa edilib, divarlar yenidən boyanıb, ətrafda təmizlik və səliqəli mühit yaradılıb.
Bakının müasirliyinin və gözəlliyinin qorunması üçün atılan addımlar təqdirəlayiqdir və bu məsələyə paytaxtın bütün rayon icra rəhbərliklərinin həssaslıqla yanaşacağına ümid edirik.
