Mədəniyyət Nazirliyi Respublika Xatirə Kitabı Redaksiyası “Baku Book Center” – Bakı Kitab Mərkəzində “Bakı Xəbər” qəzeti ilə birgə layihəsi əsasında “Şəhidlər ölməz, Vətən bölünməz!” silsiləsindən 44 günlük Vətən müharibəsində həlak olanların adlarının və xatirələrinin əbədiləşdirilməsi məqsədilə çap etdirdiyi “Şəhidlik and yeridir…” kitabının təqdimat mərasimi keçirilib.

Baki-baku.az xəbər verir ki, Respublika Xatirə Kitabı Redaksiyasının baş redakoru Nəzakət Məmmədovanın müəllifi olduğu “Şəhidlik and yeridir…” kitabı şəhid baş leytenat, Azərbaycan Bayrağı Ordenli Vüsal Sübbuh oğlu Babayevin qəhrəmanlıq dolu ömür və döyüş yoluna həsr olunub.

Jalə Həsənlinin moderatorluğu ilə baş tutan tədbiri Bakı Kitab Mərkəzin rəhbəri, yazıçı Günel Anarqızı açıb.

Ardınca Azərbaycan Mətbuat Şurasının sədri Rəşad Məcid, Millət vəkili Ceyhun Məmmədov, Xalq şairi Vahid Əziz, Millət vəkili Aydın Mirzəzadə, Pirallahı rayon icra başçısının müavini Vəzir Səfixanov, Əməkdar jurnalist, pedaqogika üzrə fəlsəfə doktoru, yazıçı publisist Zemfira Məhərrəmli, Şair-publisist Rəfail Tağızadə, Tarix üzrə fəlsəfə doktoru Lətifə Məmmədova, Tədbirin təşkilatçısı, jurnalist Fuad Mədətov, kitabın müəllifi Nəzakət Məmmədova və şəhidin həyat yoldaşı Aynur Babayeva çıxışlar etdilər. Şəhidin qızının ifasında mahnı hər kəsin ürəyini titrətdi.

Tədbirin sonunda xatirə şəkilləri çəkildi.