Misli Premyer Liqasının XXIX turunda keçirilmiş “Neftçi” – “Qarabağ” oyununu stadiondan 9500 tamaşaçı izləyib.
Baki-baku.az xəbər verir ki, bu, Bakı klubunun Premyer Liqadakı ev matçlarında son 15 mövsümün ən yüksək göstəricisidir.
“Ağ-qaralar”ın meydanında daha çox izləyici sonuncu dəfə 2010/2011 mövsümündə qeyd alınıb.
2011-ci il fevralın 13-də “Xəzər Lənkəran”la Tofiq Bəhramov adına Respublika Stadionundakı qarşılaşmanı (0:0) 10 min seyrçi izləyib.
Qeyd edək ki, “Neftçi” “Palms Sports Arena”dakı görüşdə “Qarabağ”a 1:5 hesabı ilə uduzub.
