Hazırda dövriyyədə olan ən böyük dollar əskinası — hamımıza tanış olan yaşıl 100 dollarlıq əskinasdır. Lakin ABŞ tarixində daha təsirli nominalda əskinaslar da olub — 500-dən 10.000 dollara qədər. Onların arasında isə yalnız hökumətlərarası hesablaşmalar üçün nəzərdə tutulmuş əfsanəvi 100.000 dollarlıq narıncı əskinas da var idi.

Baki-baku.az xəbər verir ki, bu “pul nəhəngləri”nin buraxılışı XX əsrin ortalarında elektron ödənişlərin inkişafı və təşkilatlanmış cinayətkarlıqla mübarizə məqsədilə dayandırılıb.

Bu gün həmin əskinaslar son dərəcə nadir kolleksiya nümunələridir. Rəsmi olaraq mağazada onlarla alış-veriş etmək mümkün olsa da, kolleksiyaçılar bu əskinaslara nominalından qat-qat artıq məbləğ ödəməyə hazırdırlar.

Amerikanın bu “pul titanları”nın hekayəsi bizə göstərir ki, pul təkcə mübadilə vasitəsi deyil, həm də əfsanəyə çevrilə bilən dəyərdir.

Hacı Cavadov