Xurma bir sıra faydalı xüsusiyyətlərə malikdir, müxtəlif vitaminlər, mikroelementlər və antioksidantlar tərkiblidir.
Baki-baku.az bu barədə UfaTime.ru-ya istinadən xəbər verir.
Ufa Respublika İctimai Sağlamlıq və Tibbi Profilaktika Mərkəzinin (Başqırdıstan, Rusiya) mütəxəssisləri bildiriblər ki, xurma böyük miqdarda yod tərkiblidir, buna görə də yod qəbulunun məhdudlaşdırılması tələb olunan xəstəlikləri olan insanlara – məsələn, qreyvs xəstəliyi (qalxanabənzər vəzinin xəstəliyi) olanlara onu qida rasionundan çıxarmağı məsləhət görüblər. Bundan əlavə, xurma şirin məhsuldur və pis kompensasiya olunmuş şəkərli diabeti olan insanlar ondan imtina etməlidirlər. Həkimlər diabeti olan insanlara xurma istifadəsindən əvvəl şəkər səviyyəsini sabitləşdirməyi və onu qida rasionuna insulin dozasının hesablanması nəzərə alınmaqla tədricən daxil etməyi məsləhət görüblər.
Həmçinin mütəxəssislər xurmanın faydalı xüsusiyyətlərindən danışıblar. Onların sözlərinə görə, xurma ürək xəstəliklərinin inkişaf riskini azaldır, yod çatışmazlığını aradan qaldırmağa kömək edir, qanda xolesterol səviyyəsini azaldır və bununla da aterosklerozun inkişafını ləngidir. Bundan əlavə, həkimlər qeyd ediblər ki, bu məhsul antioksidant və hərarətsalıcı xüsusiyyətlərə malikdir, ishal zamanı kömək edir, qıcıqlanma və narahatlığı azaldır.
