“Warner Bros.” və “New Line” şirkətləri “Mortal Kombat 2” filminin premyerasını altı ay təxirə salıblar.
Baki-baku.az portalı “Deadline”a istinadən xəbər verir ki, film 24 oktyabr 2025-ci il deyil, 15 may 2026-cı ildə nümayiş olunacaq.
Studiyalar filmin nümayişindən daha çox pul qazanmaq üçün bu qərarı veriblər. Belə ki, oktyabrın sonunda bir çox digər filmlərin premyeraları olacaq.
Sikvelin süjeti 2021-ci il orijinalının hekayəsini davam etdirir: Şanq Tsunq onuncu turnirdən əvvəl Yer çempionlarını məhv etməyə çalışır.
Ssenari müəllifi Ceremi Sleyterin (Jeremy Slater) sözlərinə görə, yeni hissədə əsl “Mortal Kombat” turniri olacaq.
Qeyd edək ki, 2021-ci ilin aprelində nümayiş olunan birinci “Mortal Kombat” filmi kinoprokatda 84,4 milyon dollar qazanıb.
