Xətai rayonu, Babək prospektindən keçən diametri 1400 mm olan içməli su xəttində qəza baş verib.
Qəza nəticəsində paytaxtın Mikayıl Əliyev küçəsində yolun bir hissəsi suyun altında qalıb.
Baki-baku.az-ın sorğusuna cavab olaraq İri Şəhərlərin Birləşmiş Su Təchizatı Xidmətindən bildirilib ki, əraziyə Bakı Sukanal İdarəsinin qəza briqadası cəlb edilib. Axıntının qarşısı alınaraq xətdə təmir və bərpa işlərinə başlanılıb. Qəza nəticəsində su yığılan ərazilərə su çəkən texnika cəlb edilib, sular tullantı su xətlərinə istiqamətləndirilib, hazırda suyun həcmi olduqca azalıb. Həmçinin abonentlərin su təchizatında hər hansı fasilə yaranmayıb.
