Sabun ilə bütöv bir janr necə yarandı?
1930-cu illərin Amerikası – radionun efirin şahına çevrildiyi bir dövr. Bu illərdə evin sükutunu yalnız mətbəxdə yemək bişirən və ütü vuran evdar qadınların diqqətlə dinlədiyi səsli tamaşalar pozurdu. Onlar, qab-qacaq arasındakı fasilədə, sanki nəfəsini tutaraq, eşq, xəyanət və ailə dramları ilə dolu mürəkkəb hekayələrə qulaq asırdılar.
Baki-baku.az-ın məlumatına görə, bu duyğusal seriallar sabun istehsalçılarının himayəsi altında yayımlanırdı.
Məhz beləliklə, “melodrama” və ya “melodram janrı” kimi tanıdığımız fenomen doğuldu. Göz yaşları və ah-nalə arasında qadınların qeyri-ixtiyari şəkildə hansı markanın toz sabunu və ya maye sabunu olduğunu yadda saxlaması üçün düşünülmüş mükəmməl marketinq gedişi idi. Öz dövrü üçün əsl kommersiya dahiyanəsi!
Kim düşünərdi ki, bir ləyən sabun köpüyündən doğulan bu səhnə, sonralar dünya miqyasında bir sənət janrına, hətta qlobal bir mədəni asılılığa çevriləcək? Sabun artıq yalnız gigiyena vasitəsi deyil, o, milyonlarla insanın qəlbinə açar oldu. Əlbəttə ki, reklam fasiləsi və musiqili girişlə birlikdə.
Əbülfəz Babazadə
