“Heydər Əliyev və Azərbaycan tarixi” kitabında yer alan məqaləmdə Ümummilli Lider Heydər Əliyev və onun quruculuq siyasəti ilə bağlı yazmışam. Onun xalqı böhrandan necə xilas etdiyi, necə böyük işlər gördüyünə toxunmuşam.

Bunu Baki-baku.az-a müsahibəsində 135 nömrəli məktəbin 10-cu sinif şagirdi Mehran Sadıqbəyli deyib.

“Çox xoşbəxtəm ki, Bakı Şəhər İcra Hakimiyyətinin təşkilatçılığı ilə keçirilən bu müsabiqədə qalib olaraq iştirak edirəm.

Bunun üçün çox qürurluyam. Ulu Öndər Heydər Əliyev hər zaman bizim qəlbimizdə yaşayacaq və bizim və bizdən sonrakı nəsillər də onu qəlbində yaşadacaq”, – deyə M.Sadıqbəyli qeyd edib.

Əfqan Əliyev adına 125 nömrəli məktəbin 11-ci sinif şagirdi Riyad İslamzadə isə müsahibəsində bildirib ki, bu müsabiqədə iştiraka onu tarix müəllimi təşviq edib.

“Mən məqaləmdə Azərbaycan repressiya illərində mövzusunu işləmişəm. Düşünürəm ki, repressiya mövzusu Azərbaycan xalqının ən qaranlıq və acılı günlərini əks etdirir. Bu müsabiqədə iştirak etdiyim üçün, qalib olduğum üçün çox xoşbəxtəm.

Bu, mənim üçün qürurvericidir”, – deyə o, vurğulayıb.