Dövlət Turizm Agentliyinin təşkilatçılığı ilə Şəki şəhərinə media nümayəndələrinin səfəri baş tutub.
Baki-baku.az-ın Şəkiyə ezam olunmuş müxbiri xəbər verir ki, mediaturun ikinci günü jurnalistlər sahibkar Sevinc Bayramovaya məxsus “Süsən” istehsalat müəssisəsində də olublar. Media mənsublarına “Süsən” brendi ilə istehsal olunan kəlağayılar, onların çeşidi, daxili və xarici bazarda tələbat, turistlərin bu məhsul növünə marağı barədə məlumat verilib.
Həmçinin orada yaradılmış muzeydə yaşı 150-300 olan kəlağayılara baxış keçirilib. Kəlağayı naxışları, materialı, rəngi haqqında geniş məlumat verilib.
Səfər müddətində media nümayəndələrinin maraq doğuran sualları ətraflı cavablandırılıb.
Xanım Aydın
