Maqnit qasırğaları dövründə orqanizmin vəziyyətini yüngülləşdirmək üçün rasiona quru meyvələr, bitki çayları və tünd rəngli meyvələr daxil edilməlidir.
Baki-baku.az xəbər verir ki, ərik qurusu və qara kişmiş mikroelementlərlə zəngindir və orqanizm üçün maksimum fayda verir. Qara qarağat, göyəm, böyürtkən və albalı isə antioksidantlarla zəngindir. Bu maddələr ürək-damar problemlərindən qoruyur və yüngül sakitləşdirici təsirə malikdir.

Eyni zamanda maqnit qasırğaları zamanı spirtli içkilərdən imtina etməyi və tonusverici içkilərin, o cümlədən qəhvə, qara və yaşıl çayın qəbulunu azaltmaq məsləhətdir. Bu içkilər sinir sistemini həddindən artıq stimullaşdırır, ürək döyüntüsünü artırır və taxikardiyaya səbəb ola bilər.

Bundan əlavə, çox duzlu, qızardılmış və yağlı yeməklərdən uzaq durmaq lazımdır, çünki bu cür qidalar orqanizmdə mayeni saxlayır. Məsələn, maqnit qasırğası zamanı manqal yeməkləri uğurlu seçim deyil. Belə yeməklər uzun müddət həzm olunur və əlavə yük yaradır.