Onlar kiçik ölçüdə olmasına baxmayaraq, insan təxəyyülündən qat-qat güclüdürlər. Pulsarlar – ölçüsü cəmi bir şəhər qədər, kütləsi isə bir neçə Günəşə bərabər olan neytron ulduzlarıdır. Onlar çoc yüksək sürətlə fırlanır və ritmik şəkildə güclü şüalar saçırlar.

Baki-baku.az yazır, bu kosmik “mayaklar” o qədər dəqiqdir ki, alimlər onların siqnallarını vaxt ölçmək, hətta qravitasiya dalğalarını axtarmaq üçün ideal saat kimi istifadə edirlər.

Hər impuls – kainatın nəbzini ölçən nəhəng bir metronomun zərbəsi kimidir. Bəzi pulsarlar saniyədə 700-dən çox dəfə fırlanır və onların sabitliyi heyrət doğurur – Yer üzündə heç bir mexanizm bu dəqiqliklə müqayisə oluna bilməz. Onlar astronomlara Qalaktikanın quruluşunu öyrənmək, ulduzlararası məkanın “xəritəsini” tərtib etmək və fizikanın məlum qanunlarının sərhədində yerləşən materiyanın sirrlərini açmaqda yardım edir.

Pulsarlar təkcə astronomiyanın ekzotikası deyil, onlar kosmosun gerçək “saatları və kompasları”dır. İnsanlıq isə məhz bu ulduzların işığında sərhədsiz qaranlıqda istiqamət tapmağı öyrənir.