Azərbaycan Junior Liqa ŞHK-nin (Şən və Hazırcavablar Klubu) ikinci oyun slotunun 1/8 final mərhələsi keçirilib.
Baki-baku.az xəbər verir ki, 1/4 finala çıxmağa hazır olduqlarını sübut etməyə çalışan 6 məktəb komandası Azərbaycan Dövlət Gənc Tamaşaçılar Teatrının səhnəsində görüşüb. Layihə Bakı Şəhəri üzrə Təhsil İdarəsi və Azərbaycan Uşaq Fondunun dəstəyi ilə təşkil olunub.
Junior ŞHK Liqası məktəblilər arasında yumor mədəniyyətini inkişaf etdirməyə davam edir və istedadlı gənclərin aşkarlanmasına və dəstəklənməsinə kömək edir.
2025–2026 mövsümü summar sistem üzrə keçirilir, burada hər matç komandaların ümumi reytinqinə təsir edir. Junior Liqanın aparıcısı və bədii rəhbəri Səməndər Rzayev tamaşaçıları öz canlı reaksiyaları ilə dəstəkləyərək əsl teatr ab-havası yaradırdı.
Komandalar orijinal zarafatları, hazırcavablıqları, kreativ nömrələri ilə tamaşaçıları heyrətləndirərək onların alqışlarını qazanırdılar.
1/8 final mərhələsinin ikinci oyununun nəticələri:
“Vətən” idman liseyi
“Ankara” liseyi
Avrolisey
46 nömrəli məktəb
160 nömrəli məktəb
193 nömrəli məktəb
Münsiflər heyəti oyunu qiymətləndiriblər:
Cavid Şahbazbəyov — Junior Liqanın direktoru, şair, Yazıçılar Birliyinin üzvü, Prezident təqaüdçüsü
Xose Bernardo — aktyor, stendapçı, şoumen
Nariman Abdul Əliyev — Space TV kanalının icraçı direktoru
Amiran Babayev — Space TV-nin baş prodüseri
Yana Nikitina – teatr və kino aktrisası, əfsanəvi ŞHK “Bakılı oğlanlar” komandasının keçmiş üzvü
