Aprelin 5-də axşamdan aprelin 6-sı səhərə kimi intensiv yağışla müşayiət olunan güclü külək nəticəsində ağacaşma halları ilə bağlı Bakı Şəhər Yaşıllaşdırma Təsərrüfatı Birliyinə (YTB) 31 müraciət daxil olub.

Bu barədə Baki-baku.az-ın sorğusuna cavab olaraq YTB-dən məlumat verilib.

Bildirilib ki, dünən axşamdan davam edən güclü külək səbəbindən 26 ağac sınıb, 5 ağacın budaqları qırılıb.

Aşan ağacların 22-si, sınan budaqların isə 4-ü müvafiq ərazilərdən operativ şəkildə təmizlənib.

Bildirilib ki, dünən axşamdan davam edən güclü küləklə əlaqədar Bakı Şəhər Yaşıllaşdırma Təsərrüfatı Birliyinin əməkdaşları gücləndirilmiş iş rejimində çalışırlar:

“Sınan ağaclar və qırılan budaqlar birliyin növbətçi briqadaları tərəfindən operativ şəkildə görütülür və ərazi təmizlənir”.