İstilik şoku zülalları (temperatur yüksəldikdə orqanizmdə istehsal olunur) HSP70 insultdan sonra neyronların bərpasına kömək edə bilər.

Baki-baku.az-ın xəbərinə görə, bu barədə gazeta.ru-ya Rusiyanın Seçenov Universitetinin N.V.Sklifosovski adına Kliniki Tibb İnstitutunun insan anatomiyası və histologiyası kafedrasının dosenti Gennadi Pyavçenko bildirib.

HSP70 sinir hüceyrələrinin qorunub saxlanmasına birbaşa təsir edən bir çox molekulyar mexanizmdə iştirak edir. Məsələn, onlar iltihabi proseslərin tənzimlənməsində iştirak edir, hüceyrə ölümü proseslərinin başlamasının qarşısını alırlar, zülalları əmələ gəlmə mərhələsində qoruyur, zədələnmiş zülalları xüsusi molekulyar əlamətlərlə “işarələyir” ki, bu “işarələrin” köməyi ilə hüceyrə zərərli tullantıları utilizasiyaya göndərir.