Niyə zəhəri sorub çıxarmaq olmaz və elm bu barədə nə deyir?

Filmlərdə gördüyünüz hər şeyi unudun. İlan sancan yerdən zəhəri sorub çıxarmaq həm faydasızdır, həm də təhlükəli. Cəmi bir neçə dəqiqə ərzində zəhər limfaya və qan dövranına daxil olaraq, bədənə inanılmaz sürətlə yayılır.
Baki-baku.az saytının məlumatına görə, herpetoloqlar eksperiment aparıblar: könüllülərin dərisinin altına zəhəri təqlid edən maye yeridilib və üç dəqiqə sonra bu mayeni xüsusi nasosla çıxarmağa çalışıblar.
Nəticə necə olub? 15 dəqiqə sonra “zəhərin” 98%-i hələ də qan dövranında qalırdı. Üstəlik, ağız boşluğunda mikroskopik çatlar olduqda zəhər sizin də orqanizminizə keçə bilər.
Ona görə də Hollivudun fəndlərini unudun, yalnız dərhal göstərilən tibbi yardım sizi xilas edə bilər.

Hacı Cavadov