Bakı Metropoliteni və “Azərsun Holdinq” Azərbaycan mətbuatının 150 illiyi münasibətilə “İçərişəhər” stansiyasında xüsusi sərgi təşkil edib.
Baki-baku.az xəbər verir ki, sərgidə “Əkinçi” qəzetindən başlayaraq müxtəlif dövrlərdə fəaliyyət göstərmiş mətbu nəşrlər, görkəmli jurnalist və redaktorların fəaliyyəti, milli mətbuatımızın zəngin və keşməkeşli tarixini əks etdirən arxiv fotolar nümayiş olunur.
Layihənin məqsədi Azərbaycan mətbuatının keçdiyi yola işıq salmaq, onun formalaşmasında əvəzsiz rolu olan şəxsiyyətləri cəmiyyətə tanıtmaq və maarifləndirməni təşviq etməkdir.
Sərgi iyulun 21-dən etibarən bir həftə boyunca sərnişinlərin ziyarətinə açıqdır.
