Milli-mənəvi dəyərlərlə bağlı tarixi qərarlar alan Osmanlı İmperiyasında Tanrının yaratdığı hər bir varlığa xüsusi sevgi, diqqət və qayğı olub.
Baki-baku.az xəbər verir ki, Osmanlıda yük heyvanlarının cümə günləri yük daşıması qadağan edilmişdi. Fateh Sultan Mehmet tərəfindən verilən bu fərman dünyada heyvan haqları ilə bağlı qəbul olunan ilk humanist qərar kimi tarixə düşüb.
Tanrının dilsiz varlıqlarına Osmanlının isti, xeyirxah münasibəti bununla bitmir. Tarixi binaların arxa və yan divarlarında quşlar üçün çoxsaylı barınaqlar – yuvalar tikən türklər onların soyuqdan, istidən, küləkli havalardan qorunması üçün şərait yaratmaqla kifayətlənməyiblər. Barınaqların təmizlik məsələlərinə, qida və su təminatına da qayğı göstəriblər.
