Emal olunmuş ət məhsulları, xüsusilə də kolbasa, sağlamlıq üçün ciddi risklər daşıyır.
Baki-baku.az xəbər verir ki, rusiyalı diyetoloq və endokrinoloq Anton Polyakov bu barədə aif.ru saytına danışaraq kolbasa məhsullarının xərçəng riskini artırdığını bildirib.

“Ümumdünya Səhiyyə Təşkilatı (ÜST) artıq uzun müddətdir ki, kolbasa və digər emal olunmuş ətləri sağlamlıq üçün təhlükəli məhsullar siyahısına daxil edib. Əgər siz bu cür məhsulları müntəzəm istehlak edirsinizsə, xərçəng xəstəliyinə tutulma ehtimalı artır”, – deyə həkim xəbərdarlıq edib.

Anton Polyakov kolbasa sevənlərə daha təhlükəsiz və sağlam alternativ olaraq mal dilindən istifadə etməyi tövsiyə edir. Onun sözlərinə görə, mal dili həm daha az emal olunur, həm də tərkibində zərərli konservantlar və əlavələr olmur.

Mütəxəssislər ümumilikdə emal olunmuş ətlərin azaldılmasını, onların yerinə təbii ət, balıq və ya bitki əsaslı proteinlərə üstünlük verilməsini tövsiyə edirlər.