Günəşdə ən yüksək X sinfinə yaxın güclü partlayış baş verib.
Baki-baku.az xəbər verir ki, bu barədə TASS-a Rusiyanın Tətbiqi Geofizika İnstitutundan məlumat verilib.
“Fevralın 6-da Moskva vaxtı ilə saat 14:04-də (Bakı vaxtı ilə 15:04 – red.) 3981 (N05W16) günəş ləkələri qrupunda rentgen diapazonunda 35 dəqiqə davam edən M7.6 partlayışı qeydə alınıb”, – məlumatda bildirilir.
Qeyd olunur ki, bu, fevral ayında baş verən ikinci ən güclü partlayışdır.
Hesabata əsasən, indiyə qədər ən güclü partlayış fevralın 3-də qeydə alınmış M8.8 partlayışı olub.
Məlumata görə, partlayışın mərkəzi Yerə maksimum təsir zonasında olduğundan, onun planetə təsir ehtimalı yüksəkdir.
