Fevralın 3-də Günəşdə sondan əvvəlki güc sinfində olan 7 partlayış baş verib.
Baki-baku.az bu barədə “Komsomolskaya Pravda“ya istinadən xəbər verir.
Məlumata görə, bu barədə Tətbiqi Geofizika İnstitutu və Rusiya Elmlər Akademiyası Kosmik Tədqiqatlar İnstitutunun Günəş Astronomiyası Laboratoriyasının və Rusiya Elmlər Akademiyasının Sibir Bölməsinin Günəş-Yer Fizikası İnstitutunun saytında məlumat dərc olunub.
Ən güclü partlayış Moskva vaxtı ilə təxminən səhər saat 7-də (Bakı vaxtı ilə 8-də) baş verib və 12 dəqiqə davam edib.
Partlayış aktivliyinin indeksi hazırda 10 ballıq şkala üzrə 8.7-dir. Yaxın iki gündə “X” sinfindən partlayışların baş vermə ehtimalı yüksəkdir.
Alimlərin fikrincə, Günəş aktivliyinin artması qlobal xarakter daşıyır. Ötən gün, fevralın 2-də ulduzun görünməyən tərəfində böyük partlayışlar, bu gecə isə daha bir partlayış qeydə alınıb. Aktiv mərkəzlər mərkəzi meridiana çıxıb ki, bu da onları maksimum təsir dövründə planetimiz üçün xüsusilə təhlükəli edir.
