Dünən axşam saatlarından Bakıda başlayan güclü küləklə bağlı şəhər kommunal xidmətləri xüsusi gücləndirilmiş iş rejiminə keçib.
Baki-baku.az-a Bakı Şəhər Yaşıllaşdırma Təsərrüfatı Birliyindən bildirilib ki, güclü külək nəticəsində ağacaşma halları ilə bağlı 55 ünvandan müraciət daxil olub. Müraciətlərin 28-i ağacların kökündən aşması, 28-i isə iri budaqların qırılması ilə əlaqədar olub.
Birlik əməkdaşları tərəfindən aşan ağaclar kəsilib, zədələnənlər budanıb, ərazi təmizlənib, fəsadlar aradan qaldırılıb.
Hazırda birliyin mobil qrupları şəhərin müxtəlif ərazilərində gücləndirilmiş rejimdə işlərini davam etdirir.