Bu gün səhər saatlarından Bakıda başlayan güclü küləklə bağlı şəhər kommunal xidmətləri xüsusi gücləndirilmiş iş rejiminə keçib.
Baki-baku.az-a Bakı Şəhər Yaşıllaşdırma Təsərrüfatı Birliyindən bildirilib ki, güclü külək nəticəsində şəhərdə 37 ağac aşıb, təxminən 50-yə yaxın ağacın budaqları qırılıb.
Birlik əməkdaşları tərəfindən 70 ünvanda sınan ağaclar kəsilib, zədələnənlər budanıb, ərazi təmizlənib, fəsadlar aradan qaldırılıb.
Hazırda birliyin mobil qrupları şəhərin müxtəlif ərazilərində gücləndirilmiş rejimdə işlərini davam etdirir.