“Milyon fil və ağ çətir” – yox olmuş bir krallığın ən ali mükafatı

“Milyon fil və ağ çətir ordeni” deyildikdə, sanki sehrli bir nağıldan söz açılır. Amma bu, reallıqdır. Bu, Laos Krallığının ən ali dövlət mükafatının adıdır və onun dərin tarixi və mifologiyası ilə sıx bağlıdır.

Baki-baku.az saytının məlumatına görə, ordenin adı XIV–XVIII əsrlərə aid əfsanəvi feodal dövlət olan Lan Sang Hom Khaoya işarə edir, bu isə “Milyon fil və ağ çətir krallığı” deməkdir.

Fil sadəcə heyvan deyil, döyüş nəhəngidir, hərbi gücün simvoludur. Bəs ağ çətir? İnduizm və buddizmdə o müqəddəslik, göy qoruması və monarx hakimiyyətinin nişanəsidir. Bu, sadəcə mükafat deyil, zaman dumanına qərq olmuş bir sivilizasiyanın simvollarının konsentratıdır.

Hacı Cavadov