Futbol – dünyanın ən populyar idman növüdür. Bu, 11 nəfərlik komandalar arasında keçirilən top oyunudur, hər komanda topu rəqibin qapısına vurmağa çalışır. Eyni zamanda futbolun bir çox maraqlı faktları da var.

Baki-baku.az onları təqdim edir.

1. Futbol xışqırığı “Olé-Olé-Olé” İspaniyadan gəlir. “Olé” sözü koridada və ya flamenko rəqslərində səsləndirilirdi. Bu söz isə 8-ci əsrdə İspaniyanı işğal edən ərəbər tərəfindən ibadət zamanı söylənilən “Allah” sözündən yaranmışdır.
2. Braziliyada keçirilən futbol matçı zamanı külək paraşütçüləri meydançaya gətirib çıxardı. Paraşütçülərdən biri qapıçının üzərinə düşdü. Nəticədə top qapıya daxil oldu və hakim rəqib komandanın etirazına baxmayaraq, qolü qeyd etdi, paraşütçülərin meydançaya çıxmasını “ali qüvvənin müdaxiləsi” kimi izah etdi.
3. Ən uzun futbol matçı 1-3 avqust 1981-ci ildə İrlandiyada “Kallinafersi” futbol klubu arasında keçirilmişdir. Qalib yalnız 65 saat 1 dəqiqə sonra müəyyən olunmuşdur.
4. Britaniya adalarında duman adi haldır. Amma iki Şotlandiya komandası arasında keçirilən oyun zamanı duman o qədər sıx olub ki, futbolçular topu, yoldaşlarını və rəqiblərini uzun müddət axtarmalı oldular. Hakim meydançada çox futbolçu olduğunu düşündü. İbtidai olaraq ehtiyat oyunçuların skamyalarına baxdı və gördü ki, orada heç kim yoxdur. Hakim dərhal oyunu dayandırdı. Məlum oldu ki, meydançada eyni anda otuz futbolçu olub.
5. Buenos-Ayres stadionunda bir eksperiment aparılmışdı: məqsəd, subay futbolçuların evli futbolçulardan üstün olub-olmadığını göstərmək idi. Hər şey sakit gedirdi, ta ki penalti vurulana qədər. Cərimə zərbəsi həyata keçirildikdən sonra qadınlar meydançaya çıxdılar. Onlar hakimi döydü və qalibiyyəti kişilərinə verdilər. Subaylar etiraz etmədi və eksperiment uğursuz oldu.
6. 2005-ci ildə İngiltərə Liqası kubokunun finalında stadiondakı səs-küy rekordu qeydə alındı. “Liverpul”un Riis oyunçusunun qolundan sonra Merseysayd azarkeşləri 130,7 desibel səslə qışqırdı. Bu göstərici “Ginnes Rekordlar Kitabı”na daxil edildi. Əvvəlki rekord 2000-ci ildə ABŞ klubu “Denver Bronkos”un oyununda 128,74 desibel təşkil etmişdi.
7. Məlumdur ki, hakimlər özlərinə qırmızı vərəqə göstəriblər: Endi Ueyn “Piterboro Nort End” – “Royal Mail” matçında, Melvin Silvestr isə “Southgempton Arms” – “Hurstborn Tarrant British Legion” oyununda. Ueyn oyunu dayandırmaq üçün özünü meydançadan çıxardı, Silvestr isə oyunçu ilə dava zamanı bunu etdi.
8. İsrail parlamentində futbol oyunlarının şənbə günləri keçirilməsinə dair qanun layihəsi 36 dəfə müzakirə olunub! Bu layihənin müzakirəsi artıq yeddinci ildir davam edir.
9. İtalyan qapıçısı Qrosso oyunda hakimə eynək taxmasını məsləhət görüb və meydançadan çıxarılıb. Araşdırmada məlum olub ki, Qrosso optik mağazasının sahibidir və hakimin həqiqətən də gözləri zəifdir. Bu səbəbdən onun sözləri təhqir kimi yox, faydalı və rasional məsləhət kimi qiymətləndirildi. Nəticədə qapıçı bağışlanıb, hakim isə onun mağazasından eynək alıb.
10. 1891-ci ildə İrlandiyanın futbol qaydaları üzrə eksperti Con Penalti, müdafiə komandası tərəfindən cərimə meydançasında edilən kobud oyun və ya əl ilə oynama zamanı 11 metrlik zərbə tətbiq etməyi təklif edib. Bu zərbə ilk dəfə İrlandiya futbol liqasında həyata keçirilib. Bu gün dünyada onu penalti adlandırırlar.

Murad Muxtarov