Fransa qadın boks yığması cinsiyyət testlərinin verilməsindəki problemlər səbəbindən yaxınlaşan dünya çempionatında iştirak edə bilməyəcək.

Baki-baku.az xəbər verir ki, bu barədə Fransa Boks Federasiyası məlumat yayıb. 

“Çərşənbə günü axşam Fransa komandası təəccüb və qəzəblə xəbər tutdu ki, fransız boksçuları təşkil olunan Dünya Çempionatında iştirak edə bilməyəcək”, – deyə məlumatda deyilir.

Bildirilir ki, Fransada cinsiyyət testləri yalnız tibbi və elmi məqsədlər üçün, eləcə də dopinqlə mübarizə çərçivəsində keçirilə bilər.

Buna görə də Fransa Federasiyasına Lidsdəki akkreditə olunmuş laboratoriyaya müraciət etmək tövsiyə olunub, lakin fransız boksçular testi vaxtında təhvil verə bilməyiblər.