Fəsillər dəyişən dövrdə orqanizm üçün şirin məhsullar faydalı hesab olunur.

Baki-baku.az xəbər verir ki, bu barədə həkim-diyetoloq Lyudmila Denisenko bildirib.

“Əlbəttə, mən bir diyetoloq kimi hər gün şirniyyat yeməyi məsləhət görsəm qəribə səslənər, lakin Çin təliminə görə, fəsil dəyişən dövrdə menyuya nə qədər çox şirin qida əlavə olunarsa, sağlamlıq üçün bir o qədər yaxşıdır”, – deyə ekspert bildirib.

Mütəxəssisin sözlərinə görə, gündəlik rasiona təzə meyvələr, bal, təbii desertlər daxil etmək olar.

Bundan başqa, zefir, marmelad, pastila, dondurma və şirin sıyıqlar da qəbul etmək mümkündür. Bunlar enerjini qorumağa kömək edir.

“Bütün bunlar tamamilə təbiidir və əhval-ruhiyyə üçün olduqca faydalıdır”, – deyə diyetoloq əlavə edib.