Bakının küçələri, səkiləri və binaları təkcə şəhərin ritmini deyil, onun ruhunu da daşıyır. Bu ruhun ən səssiz, lakin ən təsirli ifadə yollarından biri isə eyvanlardır. Bəziləri illərin yükünü çiyinlərində daşıyan klassik eyvanlardır, bəziləri isə müasir memarlığın şəhərə açılan pəncərələridir.
Adətən eyvandan baxanda insanı valeh edən bir mənzərə ilə qarşılaşmaq mümkündür – dəniz, günəş, küçələr, həyətlərin sükutu. Amma Bakı fərqlidir. Bu şəhərdə bəzən çöldən eyvana baxanda da bir mənzərə yaranır. Elə bil ki, hər eyvanın öz hekayəsi, öz səhnəsi var.
Baki-baku.az bu fotoreportajda Bakının müxtəlif küçələrindəki, fərqli üslub və ruh daşıyan eyvanlarını kəşf edir. Bəziləri sadədir, bəziləri bəzəkli, bəziləri illərə meydan oxuyur.
Elvin Camalov
