Əsrlərin tozu dağıldı və XV əsrdə şoqun Yoşinori Aşikaga tərəfindən Naranın Şosoin xəzinəsində tapılmış sirli “göy qurşağı əjdahası” əfsanəsi nəhayət açıldı! Amma sehrli ilan yerinə tüklü bir sürpriz ortaya çıxdı.
Tədqiqatçılar illərlə sehrli varlıq hesab edilən bu sirli skeleti rentgen və radiokarbon analizindən keçirdilər. Nəticə heyrətləndirici oldu: mumiyalanmış bədən heç də başqa bir şey deyil, Yaponiyanın mərkəzi meşələrində yaşayan Martes cinsindən olan bir yapon dələsidir. Tapıntının yaşı XI-XII əsrə gedib çıxır, həmin dövrdə Today-dzi məbədində böyük bərpa işləri aparılırdı. Görünür, heyvan təsadüfən məbədə girib və orada tələyə düşüb.
Günəşdə qurumuş bu heyvanı bir rahib görmüş və belə yazmışdı: “Balaca əjdahaya bənzəyən bir məxluq”. Əfsanə bununla yaranmışdı və xəzinə açılarkən baş vermiş yağış da bu sirli auranı daha da gücləndirmişdi. Maraqlıdır ki, Tokio alimləri də məkanla bağlı səfərləri zamanı güclü yağışa düşüblər.
“Artıq əminik ki, mifik əjdaha obrazının arxasında Yaponiyanın real bir sakini dayanır,” – deyə Şosoin xəzinəsinin qoruyucusu Mami Tsuru bildirib.
Budur, necə olur ki, miflər elmə çevrilir, tüklü bir dəlilər də jurnalların parlaq ulduzuna çevrilir!
Əbülfəz Babazadə
