Astronomlar Böyük Partlayışdan cəmi 920 milyon il sonra mövcud olmuş və kütləsi Günəşdən təxminən 1 milyard dəfə böyük olan nəhəng qara dəlik aşkar ediblər.

Baki-baku.az xəbər verir ki, RACS J0320-35 adlanan bu qədim obyekt “Chandra X-ray” kosmik teleskopunun müşahidələri sayəsində öyrənilib. Nəticələr nüfuzlu “The Astrophysical Journal Letters” jurnalında dərc olunub.

Ən diqqətçəkən məqam isə qara dəliyin böyümə sürətidir. Alimlərin hesablamalarına əsasən, o, maddəni Eddinqton nəzəriyyəsində nəzərdə tutulan həddən 2,4 dəfə çox sürətlə udub.

Bu kəşf kosmosun erkən dövrlərində bəzi qara dəliklərin niyə və necə sürətlə böyüyərək qısa zamanda nəhəng ölçülərə çatmasının sirrini aydınlaşdırmağa kömək edir.