Britaniyalı aktyor və rejissor Entoni Hopkins ilk dəfə xatirə kitabı yazıb.
Baki-baku.az xəbər verir ki, o bu barədə sosial şəbəkə hesabında məlumat yayıb.
Oskar mükafatlı 87 yaşlı aktyor avtobioqrafiyasını “Biz bacardıq, oğlan” (“We Did OK, Kid”) adlandırıb.
Kitab onun şəxsi həyatının ən acı xatirələri, ailə uğursuzluqları və özünü travmalardan qorumaq üçün insanlardan uzaq durmaq istəyi haqqındadır.
“Bu mənim xoşuma gəlir və düşünürəm ki, sizin də xoşunuza gələcək. Oxuyun”, – deyə Hopkins videoda bildirib.
Məlumata görə, “Summit Books” nəşriyyatı kitabın təqdimatını noyabrın 4-nə planlaşdırır.
Qeyd edək ki, Hopkins ən çox “Quzuların səssizliyi”, “Hannibal” və “Qırmızı əjdaha” filmlərindəki adamyeyən doktor hannibal Lektor rolu ilə tanınır.
2000-ci ildən bəri Hopkins ABŞ-də yaşayır və bu ölkənin vətəndaşıdır.
