Metronun “Elmlər Akademiyası” stansiyası ilə üz-üzə ərazidə aşmış vəziyyətdə qalan yol nişanı bərpa ediləcək.
Bu barədə Baki-baku.az-ın sorğusuna cavab olaraq Azərbaycan Yerüstü Nəqliyyat Agentliyindən (AYNA) məlumat verilib.
Bildirilib ki, bəzi hallarda, kənar müdaxilə nəticəsində yol nişanları zədələnə və sıradan çıxa, yaxud da oğurlana bilər. Belə hallar müəyyən edildikdə müvafiq tədbirlər görülür və yol nişanlarının bərpası istiqamətində addımlar atılır. Belə hallarla qarşılaşan vətəndaşlar AYNA-ya müraciət edə bilərlər. Sözügedən ərazidə isə nişanın bərpası həyata keçiriləcək.
