Qrenlandiya köpəkbalığı – bütün köpəkbalıqları arasında planetin ən şimal hissəsində yaşayan və ən ləng hərəkət edən növdür: onun orta sürəti cəmi 1,6 km/saat, maksimum sürəti isə cəmi 2,7 km/saat təşkil edir.
Baki-baku.az xəbər verir ki, bütün bunlara baxmayaraq, Qrenlandiya köpəkbalığı nəhəng buzluqlarda yaşayan və təxminən iki dəfə daha sürətli üzən suitiləri ovlayır. Alimlər hesab edirlər ki, onun ovçuluq strategiyasının sirri yuxuda olan suitiləri tutmasında gizlənir; bu suitilər ağ ayılardan ehtiyat edərək buz üzərində yatmağa cəsarət etmirlər və nəticədə köpəkbalıqları üçün asan hədəfə çevrilirlər.
Ləng hərəkət etməsinə baxmayaraq, bu köpəkbalığı olduqca ölümcül bir yırtıcıdır və şimalın ekstremal iqlim şəraitinə uyğunlaşmış unikal bir təbiət nümunəsi olaraq qalır.
