Dubayda bir fincanı 680 dollara satılan qəhvə Ginnesin Rekordlar Kitabına düşüb.
Baki-baku.az xəbər verir ki, Ginnesin açıqlamasına görə, 13 sentyabr 2025-ci ildə Birləşmiş Ərəb Əmirliklərinin Dubay şəhərində yerləşən Roasters Specialty Coffee House bu rekorda imza atıb.
Bəyanatda qeyd olunub: “Ən bahalı bir fincan qəhvə 2500 dirhəm (680 dollar) dəyərindədir və həmin tarixdə Dubayda dəmlənib”.
Xüsusi rekordçu qəhvənin hazırlanmasında dünyanın ən nadir və eksklüziv sortlarından biri – Panamadakı Hacienda La Esmeralda fermasında yetişdirilən Geisha qəhvəsindən istifadə olunub.
