Dövlət idarəçiliyində inqilabi addım: Albaniya dünyada ilk dəfə olaraq “süni intellekt naziri”ni təqdim edib. Yeni texnoloji model “Diella” adlanır və dövlət satınalmalarına cavabdeh olacaq.

Baki-baku.az xəbər verir ki, bu barədə nüfuzlu “Politico” nəşri məlumat yayıb.

Albaniyanın Baş naziri Edi Rama “Diella”nı hökumətin süni intellekt əsaslı ilk üzvü kimi təqdim edib. Onun sözlərinə görə, bu model tamamilə rəqəmsaldır və fiziki mövcudluğu olmasa da, rəsmi olaraq dövlət qərarlarının qəbulunda iştirak edəcək.

“Məqsədimiz 100% korrupsiyadan uzaq bir satınalma sistemi qurmaqdır. Artıq dövlət tenderləri ilə bağlı qərarların verilməsi süni intellektə həvalə olunacaq”, – deyə Edi Rama bildirib.

“Diella” modeli artıq ölkənin rəqəmsal xidmət platforması olan “e-Albania”da aktiv şəkildə istifadə olunur və vətəndaşlara müxtəlif dövlət xidmətlərinin göstərilməsində mühüm rol oynayır.