Dünya okeanında təxminən 20 milyon ton qızılın mövcud olduğu ehtimal edilir. Onun ümumi dəyəri hazırkı qiymətlərlə 2.1 kvadrilyon dollardan çox qiymətləndirilir.

Baki-baku.az xəbər verir ki, mütəxəssislərin sözlərinə görə, hər 100 milyon ton dəniz suyunda cəmi 1 qram həll olunmuş qızıl tapmaq olar. Qızıl okeanlarda əsasən materiklərdən toplanır. Yağış, çaylar və külək torpağın tərkibindəki qızıl zərrəciklərini dənizə aparır. Digər mühüm mənbə isə dəniz dibindəki hidrotermal çıxışlardır. Onlar minerallarla zəngin isti mayeləri okean axınları ilə qarışdırır.

Bununla belə, ekspertlər bildirirlər ki, qızılı sudan çıxarmaq iqtisadi baxımdan sərfəli deyil. 1940-cı illərdə sınanmış üsulların dəyəri qızılın öz qiymətindən daha baha başa gəlmişdi.

Son illərdə yeni materiallarla kiçik miqdarda qızılın sınaq məqsədilə çıxarılması mümkün olsa da, kütləvi miqyasda tətbiqi hələlik real sayılmır.