Yüksək texnologiyalar ölkəsi olan Cənubi Koreyada, harada ki, robotlar qəhvə bişirir, smartfonlar isə insan bədəninin ayrılmaz hissəsinə çevrilib, bir peşə hələ də, sözün əsl mənasında, “əl ilə tutulur”.
Baki-baku.az xəbər verir ki, bu ölkədə rəsmi olaraq yalnız görmə qabiliyyəti olmayan şəxslər masaj üzrə lisenziya ala bilərlər. Bəli, düz oxudunuz: əgər görən birisinizsə və pul qarşılığında masaj təklif etsəniz, sizi cərimə və məhkəmə gözləyir.
Daha çox antiutopiya süjetini xatırladan bu qanun artıq bir əsrdən çoxdur qüvvədədir – 1913-cü ildən, yəni Koreya Yaponiyanın müstəmləkəsi olduğu dövrdən. Həmin vaxt Yaponiya hökuməti görmə qabiliyyəti olmayan insanlara heç olmasa bir sosial dəstək yaratmaq qərarına gəldi və onlara masaj sahəsində inhisar verdi.
Ancaq üzərindən yüz il keçsə də, bu qayda hələ də qüvvədədir.
Görən masajçılar etiraz edirlər: onların əməyi qanundan kənardadır, baxmayaraq ki, onların diplomları və təcrübəsi də yüksək səviyyədədir. Məhkəmələr isə güzəştə getmir. Səbəb isə sadədir: qanunun ləğvi minlərlə görmə məhdudiyyətli insanı yeganə gəlir mənbəyindən məhrum edər.
Bu hal dünya praktikasında tam unikal sayılır: burada ən yüksək texnologiya ilə əsrlik mənəvi müqavilə yanaşı mövcuddur.
Bəs daha vacib nədir: sosial ədalət, yoxsa peşə azadlığı? Mübahisə davam edir.
Əbülfəz Babazadə
