Daxili İşlər Nazirliyi Nəqliyyatı İntellektual İdarəetmə Mərkəzi tərəfindən paytaxt ərazisində yeni işıqforların quraşdırılması, eləcə də zəruri ərazilərdə mövcud işıqfor obyektləri və dirəklərinin yenisi ilə əvəzlənməsi işləri davam etdirilir.
Baki-baku.az Mərkəzə istinadla xəbər verir ki, bu məqsədlə Nərimanov rayonu, Əhməd Rəcəbli küçəsi ilə Fətəli xan Xoyski prospektinin kəsişməsində olan köhnə nəqliyyat və piyada işıqforları yenilənib, dublyor işıqforlar quraşdırılıb. Bunlarla yanaşı, kəsişmədə daha hündür “L” və “A” tipli dirəklərin quraşdırılması ilə işıqforların görünmə dairəsi genişləndirilib.
