Azərbaycanda müşahidə edilən faktiki hava şəraiti açıqlanıb.
Baki-baku.az bu barədə Milli Hidrometeorologiya Xidmətinin məlumatına istinadən xəbər verir.
Bildirilib ki, ölkə ərazisində hava şəraiti əsasən yağmursuz keçib. Lakin gecə saatlarında bəzi qərb rayonlarında arabir yağıntılı olub, dağlıq ərazilərdə qar yağıb.
Yağan qarın hündürlüyü Şahbuzda 5 sm, Daşkəsəndə 1 sm olub.
Sumqayıt, Qusar, Naftalan, Şəmkir, Qobustan, Yevlax, Zərdab və Sabirabadda duman müşahidə olunub. Dumanda görünüş 50-200 metrədək məhdudlaşıb.
Havanın minimal temperaturu – Bakıda və Abşeron yarımadasında 4, Aran rayonlarında 1 dərəcə şaxtadan 4 dərəcəyədək isti, Naxçıvan MR və dağlıq rayonlarda 8 dərəcəyədək şaxta qeydə alınıb.
