Dekabrın 25-də Bakı-Qroznı reysini yerinə yetirən “Embraer 190” tipli sərnişin təyyarəsinin qəzaya uğraması nəticəsində çoxsaylı insan tələfatı ilə əlaqədar dekabrın 26-da Azərbaycanda matəm elan edilib.
Baki-Baku.az xəbər verir ki, matəmlə əlaqədar Azərbaycan Respublikası Mədəniyyət Nazirliyinin tabeliyindəki teatr-konsert müəssisələrində dekabrın 26-na nəzərdə tutulan bütün mədəni-kütləvi tədbirlər təxirə salınıb. Radio və televiziyalarda əyləncəli verilişlərin yayımlanması tövsiyə olunmur. Matəm günü ilə əlaqədar Azərbaycan Respublikası ərazisində və ölkəmizin xaricdəki diplomatik korpuslarında asılan dövlət bayraqları yarıya qədər endirilir.
Qeyd edək ki, Prezident İlham Əliyev 2024-cü il dekabrın 26-da matəm elan edilməsi ilə bağlı müvafiq Sərəncam imzalayıb.
