Böyükşor-Pirşağı avtomobil yolunun 1,3, 6,5 və 7,7-ci kilometrlik hissələrində yeni yerüstü piyada keçidlərinin tikintisi işləri həyata keçirilir.
Bu barədə Baki-baku.az Azərbaycan Avtomobil Yolları Dövlət Agentliyinə (AAYDA) istinadən xəbər verir.
Məlumata əsasən, yeni avtomobil yolunun 1,3-cü kilometrlik hissəsində inşa edilən yerüstü piyada keçinin uzunluğu 46,9 metr, 6,5-ci kilometrlik hissəsində uzunluğu 42,2 metr, 7,7-ci kilometrlik hissəsində isə 47 metr təşkil edir. Keçidlərin yol səviyyəsindən hündürlüyü 5,5 metr, hərəkət hissəsinin eni isə 2,5 metr təşkil edir.
Qeyd edilib ki, layihə üzrə keçidlərdə 23,2 metr uzunluğa malik pandus hissələr də yaradılır. Pandus hissənin ümumi eni 3,8, hərəkət hissəsinin eni 1,65 metr olacaq. Piyada keçidləri aşırım və panduslar monolit d/beton möhkəmləndirilmiş süni (geocel) əsaslı bünövrələrdən, aşırım, aşırım dayaqları, pilləkənlər və pilləkən dayaqları metal konstruksiyadan ibarət olmaqla layihələndirilib. Pandus hissələr isə monolit d/beton sütunlardan, eninə və uzununa rigellərdən, hərəkət hissəsini təşkil edən tavadan ibarət olacaq.
Təhlükəsizlik səbəbi ilə hərəkət hissəsinin hər iki tərəfinə metal məhəccərlərin qoyulması da nəzərdə tutulub.
