Bakı şəhərinin bir sıra ərazilərində, xüsusilə də fərdi yaşayış evlərinin həyətləri və çoxmərtəbəli binaların eyvanlarında kütləvi şəkildə çəyirtkələr peyda olub. Yaranmış vəziyyət sakinləri narahat edir. Bəs bu cür kütləvi çəyirtkə axınının səbəbi nədir?
Məsələ ilə bağlı Baki-baku.az-a açıqlama verən AMEA Zoologiya İnstitutunun dosenti, biologiya üzrə fəlsəfə doktoru Səkinə Hacıyeva bildirib ki, bəzi illərdə çəyirtkələrin kütləvi çoxalması olur. Bu zaman çəyirtkələr ətrafdakı yaşıl kütləni yeyir, onu məhv edirlər. Beləcə çəyirtkələr yaşıllığın azalmasına, ağacların qurumasına səbəb olurlar.
Fəlsəfə doktoru, həmçinin vurğulayıb ki, çəyirtkələrin çoxalması ilə ancaq mexaniki mübarizə aparmaq mümkündür.
