Bakının Sabunçu rayonu, Bakıxanov qəsəbəsi, Sülh küçəsində ağacların dibi asfalt örtüyündən təmizlənərək torpaqla əvəz edilib.
Baki-baku.az xəbər verir ki, işlər Bakı Şəhər Yaşıllaşdırma Təsərrüfatı Birliyinin əməkdaşları tərəfindən aparılıb.
Sakinlərin redaksiyamıza ünvanladığı müraciətdən sonra aidiyyəti qurum tərəfindən həyata keçirilən tədbir yaşıllıqların sağlam inkişafı üçün mühüm əhəmiyyət daşıyır. Ağac köklərinin hava ilə təmasda olması və su alması üçün vacib olan torpaq sahəsi əvvəlcə asfaltla örtülmüşdü ki, bu da onların quruma riskini artırırdı.
Hazırda asfalt qatı sökülüb, ağacların dibinə torpaq tökülərək təbii vəziyyətə qaytarılıb. Bu, təkcə ekoloji baxımdan deyil, həm də estetik cəhətdən ərazinin görünüşünü yaxşılaşdırıb.
