Bakıda elektrik şəbəkəsində yenidənqurma və təmir işləri həyata keçirilir.
Baki-baku.az xəbər verir ki, bu barədə “Azərişıq”ASC məlumat yayıb.
Bildirilib ki, Yasamal Rayon Enerji Təchizatı və Satışı İdarəsinin (RETSİ) ərazisində Transformator Məntəqəsində (TM) aparılan təmir işi ilə əlaqədar saat 13:00-dək Süleyman Dadaşov, Əbdürrəhim bəy Haqverdiyev, Bəsti Bağırova küçələri, Hüseyn Cavid prospektinin bir hissəsində elektrik enerjisinin verilişində məhdudiyyət yaranıb:
“Həmçinin Nizami RETSİ ərazisində yerləşən TM-də aparılacaq təmir-təftiş işləri zamanı fasilə Bəhruz Nuriyev küçəsini əhatə edir.
Suraxanı RETSİ-nə daxil olan 35/6 kV-luq “BMTZ” yarımstansiyasında da yenidənqurma işləri aparılır. Bununla əlaqədar saat 13:00-dək Bülbülə qəsəbəsi Səttar Bəhlulzadə, İlqar Məmmədov, Vüqar Bədəlov küçələrinin bəzi ərazilərində elektrik enerjisinin verilişində fasilə yaranıb”.
