Oktyabrın 19-dan 21-dək Bakının Nizami rayonunun bəzi ərazilərində suyun verilməsində fasilə yaranacaq.

Baki-baku.az xəbər verir ki, bu barədə İri Şəhərlərin Birləşmiş Su Təchizatı Xidməti məlumat yayıb.

Bildirilib ki, fasilə su və tullantı sularının axıdılması şəbəkəsinə qoşulma ilə bağlı texniki şərtə uyğun olaraq aparılacaq işlərlə əlaqədardır.

Suyun verilməsinin oktyabrın 21-də səhər saatlarında əvvəlki rejimə qaytarılması nəzərdə tutulur.