Bakıda əhalinin 48,2 %-ni içməli suyun keyfiyyəti qane etmir.
Baki-baku.az Sosial Tədqiqatlar Mərkəzinə istinadla xəbər verir ki, aparılan sorğuya əsasən, əhalinin 46,4 %-i suyun keyfiyyətindən razıdır, 5,5 %-i isə bu barədə rəy bildirməyə çətinlik çəkib.
Qeyd edək ki, Mərkəzin keçirdiyi sorğu Bakı şəhərinin bütün inzibati rayonlarını əhatə edib. Sorğu iştirakçılarının 41.9 %-i şəhərdə, 53.1 %-i qəsəbədə və 5 %-i kənddə məskunlaşdığını qeyd edib. Həmçinin sorğunun nəticələrinə əsasən, sakinlərin 45.6 %-i bina evində (o cümlədən, 11.5 %-i yeni tikili, 34.1 %-i köhnə tikili), 54.4 %-i həyət evində yaşayır.
Sorğular 30 iyul-4 avqustda 390 ev təsərrüfatı arasında kompüter dəstəkli telefonla müsahibə üsulundan (CATI) istifadə olunmaqla keçirilib.