“Nizami” kinoteatrında yaşıl keçidə həsr olunmuş sərgi keçirilib.

“Report” xəbər verir ki, sərgi dörd Skandinaviya ölkəsinin – Norveç, İsveç, Danimarka və Finlandiya səfirliklərinin dəstəyi ilə Şimali Avropa ölkələrinin inkişafının “yaşıl modeli”nin müzakirəsi (NORDIC TALKS: Nordic Green Model) çərçivəsində təşkil olunub.

Sərgidə karbonsuzlaşdırma, ekoloji məqamlar nəzərə alınmaqla şəhərlərin yenidən qurulması, şəhər məkanının və infrastrukturun bütün insanlar üçün əlçatanlığı vasitəsilə ölkələrin “yaşıllaşdırılması” nümunələri nümayiş etdirilib.

Sərgi həyata keçirilən “yaşıllaşdırma” tədbirlərinin əhəmiyyətini, eləcə də belə şəhərlərdə yaşamağın faydalarını nümayiş etdirmək məqsədi daşıyır.